تحدي _29 يوم _ اليوم العاشر
مرحبا اني ياسين ...
– وهذا اليوم العاشر من تحدي 29 يوم ..
–چان هدفي من هذا التحدي انه كل يوم اتعلم موضوع جديد في اللغة الانجليزية . وفعلاً حققت هالشيء وتعلمت هواي مواضيع وصرت اعرف احچي بيها بدون تردد مثل السؤال عن الوقت ، التحيات ، الرسميات في المطارات ، التعاطف مع الاخرين ... الخ
– چنت باليوم اتعلم لمدة ساعتين الى اربع ساعات بأوقات مختلفة ..
– صراحة راضي عن نفسي لإن حققت كل هالامور بوقت كلش قصير وراح احاول اقدم جهد اكثر حتى اتطور اكثر ..
– اني رغم تعلمي هواي اشياء باللغة الانجليزية ، لكن تعلمت شيء اهم هو عدم الاستسلام لإن الاستسلام يولد الفشل اما الاصرار حتى ولو كنت احقق القليل .. لكن هو يعتبر قوة وشجاعة ... برأيي
– من خلال مشاركتي بهذا التحدي احس نفسي جاي احقق فد شيء عظيم يعني مثل اطلاق صاروخ للفضاء هههه هو صح بسيط برأي هواي ناس بس اني جاي اتسابق وي الوقت حتى اتعلم اكثر للعلم راح استمر بعد انتهاء 29 يوم هذه لكن اريد اشوف شكد راح احقق تقدم بكل هالفترة ...
– صراحة ما تفاجأت بتقدمي اكثر من مفاجأتي بنفسي لإنني شخص كسول بالواقع وما اتوقعت اكمل لحد اليوم العاشر ، والان انا مقرر اكمل حتى بعد 29 يوم .... حقيقة الامر مفاجئ بالنسبة الي ، صرت ما اعرف نفسي 😅😅
– اما هدفي ف انا عندي هواي اهداف حقيقة وكل فترة افكر بشيء جديد وهذا اصبح من ضمنها .... ف لننهي الامر بنجاح سريع 😅😎 ونتحول الى اهداف اكبر 😄😄😄 ..
– اما بالنسبة لخطة الساعات الي جاي ادرس بيها ما اعتقد راح تتغير بسبب الامور الي تشغلني عن الدراسة لساعات اطول ، وايضاً متأكد راح احقق هدفي واتعلم امور اكثر من الاشياء الي تعلمتها خلال هاي الفترة ..
لكن بعد كلشي نگول الحمد لله والشكر وشكرا للناس الي جاي يساعدونا بهذا التحدي شكرا هوايه وان شاء الله ربي يوفقكم بحياتكم ...🥰
تعليقات
إرسال تعليق