تحدي 29 يوم _ اليوم العشرين
مرحبا ... مرة اخرى ، ههه اني ياسين .. حياتي عبارة عن حب للتصوير والمغامرات ... بس اعتقد كسول شوية. 😅😅
– اني مشارك بتحدي 29 يوم ومقرر اتعلم انجليزي وحرفياً كل يوم اتعلم شيء جديد هدفي چان لازم اتعلم كم شغلة تفيدني بهاللهجة بس صرت كل يوم اتعلم موضوع معين افكر بيه واحاول اتعلمه ..
– وفعلاً حققت هالشيء وتعلمت هواي شغلات عن الصحة والتجارة والتعبير عن المشاعر وغيرها هواي من الامور...
– عن طريق تطبيقات سهلة ومجانية ايضاً تعلمت كل هالامور وهي تطبيق و تطبيق وانا مستمتع بالامر حقيقة ...
– بعيداً عن الجهد الي ابذلـه بالتعلم لإن اني ما مكرس هواي وقت لهالامر .. تقريباً ساعتين او ثلاثة باليوم بس كلش فخور بالتقدم الي حققته لإن ما چنت متوقع راح اوصل لهذا المستوى بالساعات القليلة الي اتعلم بيها كل يوم
– وايضاً قررت استمر حتى بعد انتهاء التحدي 😂😂 لإنه صار بمثابة روتين لازم كل يوم اتعلم فد شيء بيومي وما اعوف هالساعات تروح للكسل مثل قبل 😅 وممصدگ وصلت لليوم العشرين بهالتحدي حقيقة جداً فخور بنفسي ..
– ومثل ما ذكرت ببداية الكلام ان اني تعلمت اكثر من موضوع لذلك ، انا فخور بنفسي جداً ... وان شاء الله مستمر ... ومتفاجئ بكمية النضج الي صارت عندي بخصوص هالموضوع لإن ما توقعت استمر حقيقة وتوقعت اتكاسل من البداية واوقف كلشي ، لكن الان مقرر استمر حتى بعد الانتهاء من التحدي واحتمال ممكن جداً، بعد الانتهاء من هذا الموضوع راح احاول اتعلم لغة ثالثة جديدة غير لغتي الام واللغة الانجليزية او اتعلم شغلات ثانية جديدة ...🙂
– و بالنهاية حقيقةً ما راح اغير خطتي بالتعلم من ناحية الوقت لإن ما راح الحگ واحتمال احس بالملل وابطل اذا سويت وقت هواي للعلم عندي عطلة حالياً بس مستمر على خطتي نفسها ما راح اغيرها ومتأكد راح احقق الامر بفضل الله ثم بفضل كل شخص يحبني ويدعي لي من كل قلبه وايضاً شكراً للشباب الي دعمونا مرتضى والولد المنضمين للتحدي وياه ممتن الهم كلش 😘🥰.. وان شاء الله الجميع يكونون بخير...
والاآااااان الى اللقاء soon 😉😊
تعليقات
إرسال تعليق